KMKM AMSHAMBULIA MFANYAKAZI WA ZAWA -WETE PEMBA.

Mtu ambaye anadaiwa kuwa ni askari wa KMKM amemshambulia mkusanya mapato wa Mamlaka ya Maji Zanzibar (ZAWA) tawi la Pemba ambaye anafanyakazi katika Shehia ya Bopwe Wilaya ya Wete.

Akizungumzia kadhia hiyo Haji Haji Khamis ambaye ndiye aliyefanyiwa shambilio hilo,amesema ameshambuliwa askari huyo wa KMKM aliyemtaja kwa jina la Hamad Said baada ya kukata maji karibu na nyumba yake aliyokuwa amejirejeshea bila kufika ofisini kulipia deni analodaiwa.

Amesema siku ya tarehe 19 mwezi huu alikata maji katika nyumba ya askari huyo,lakini siku ya tarehe 21 alipokuwa akipita kutoa bili za malipo ya maji alikuta huduma ya maji kwa Bw. Hamad imesharejeshwa bila ya kufuatwa kwa taratibu na ndipo alipoamua kuikata.

Hata hivyo amesema baada ya kuikata huduma hiyo muda mfupi baadaye alikutaka na Hamad na ndipo alipoanza kumshambilia kwa nguni za uso na mdomoni na kumpatia maumivu.

Afisa Uhusiano wa ZAWA Pemba Suleiman Annas Massoud amesema Mamlaka imeipokea taarifa hiyo kwa masikitiko kwa vile mfanyakazi huyo alikuwa akitekeleza kazi zake kwa mujibu wa taratibu.

Hata hivyo amesema Mamlaka hiyo itashirikiana na vyombo vya sheria kuona mtu anachukuliwa hatua za kisheria kutokana na kitendo hicho cha uvunjifu wa amani

Hilo ni tukio la tatu la kushambuliwa wafanyakazi wa Mamlaka ya Maji katika Wilaya ya Wete, wengine waliowahi kukumbwa na kadhia hiyo ni Afisa ya ZAWA Wilaya ya Wete na Mfanyakazi mwengine wa Shehia ya Mzambarauni.

Kamanda wa Polisi Mkoa wa Kaskazini Pemba Shekhani Mohammed Shekhan amethibitisha kutokea kwa tukio hilo na kusema jeshi la polisi nipo njiani kukamisha ushahili kumfikisha mahakamani mtu huyo.

Ameseama anasikitishwa na kitendo kilichofanywa na askari huyo wa KMKM,kwa kufanya shambulizi hilo huku akijua aliyemshambila alikuwa akifanya kazi yake kihalali.