Na Is-haka Mohammed,Pemba.
Timu ya Shaba ya Kojani jana ililazimishwa sare katika mchezo wa ligi daraja la kwanza taifa Pemba kwa kufungana goli 1-1 na timu ya Sharp Victor ya Micheweni mchezo uliochezwa katika dimba la Gombani.
Sharp Victor ndio walikuwa wa kwanza kujipatia bao pale mchezaji wake Khatibu Hamad alipopachika bao safi katika dakika ya 14 kwa shuti la umbali wa mita 40.
Hata hivyo bao hilo halikuwayumbisha wachezaji wa timu ya Shaba,ambao walipanga mashambilizi ya mara kwa mara kuyaelekeza katika lango la wapinzani wao, lakini hadi timu hizo zinakwenda mapumziko Sharp Victor walikuwa wakiongoza kwa bao 1-0.
Bao la kusawazisha kwa upande wa shaba lilifungwa na Yussuf Hilal katika dakika ya 49.
Hata hivyo shaba hawataacha kujilaumu baada ya kukosa nafasi nyingi za kufunga kupitia kwa mshambuliaji wake mpya Yussuf Hilal.
Na hadi mwisho wa Mchezo huo Shaba 1 na Sharp Victor 1,ikumbukwe katika mchezo uliochezwa hapo mwaka jana baina ya timu hizo ambazo zilikuwa katika ligi daraja la pili taifa Shaba walilala kwa mabao 4-0.
Katika mchezo mwengine wa ligi hiyo uliochezwa katika uwanja wa Ngerengere hapo jana timu ya Konde Star waliibamiza Cost Islanders kwa mabao 4-0.
Hakuna maoni:
Chapisha Maoni