SHAMUHUNA ASEMA SMZ KUTATUA CHANGAMOTO LA MASLAHI YA WAALIMU ZANZIBAR.

Na Is-haka     Mohammed,Pemba.                                                                                Waziri wa Elimu na Mafunzo ya Amali  Zanzibar Ali Juma Shamuhuna amesema Serikali ya Mapinduzi ya Zanzibar itaendelea kukabiliana na changamoto mbali mbali zinazoikabili sekta elimu ili kuimaeisha sekta hiyo nchini.

Amesema serikali inatambua kuwepo kwa tatizo la uhaba wa walimu wa Sayansi na walimu wengine katika skuli mbali mbali lakini Wizara imekuwa ikifanya juhudi kubwa kulipatia ufumbuzi tatizo hilo.

Waziri Shamhuna ameyasema hay oleo huko Gombani Chake Chake wakati akiwahutubia wanafunzi,walimu wazazi na wananchi mbali mbalii katika kilele cha maadhimisho yamiaka 49 kutokea kutangazwa kwa Elimu bila ya malipo Zanzibar.

Amesema katika kulipatia ufumbuzi tatizo la walimu nchini serikali imeimarisha fursa ya nafasi za wanafunzi watakaosomea ualimu wa fani zote katika vyuo vikuu vilivyopo Zanzibar.

Aidha amesema serikali inaendelea kuimarisha maslahi ya walimu nchini ili kuhakikisha kuwa watapata maslahi mazuri na kuweza kufundisha kwa ustadi zaidi na kutoa wanafunzi wazuri watakaokuja lisadia taifa hapo baadaye.

Waziri wa elimu na Mafunzo ya Amali Zanziba Ali Juma Shamuhuna amesema tatizo la utoro maskulini ni moja kati ya mambo yanayochangia kwa wanafunzi wengi kushindwa kufanya vizuri katika mitihani yao ya taifa.

Waziei Shamhuna ameyasema hay oleo huko Gombani Pemba katika kilele cha maadhimisho ya kutimia miaka 49 tokea kutolewa tamko la elimu bila ya malipo hapa visiwani Zanzibar.

Amesema kuwa utafiti uanaonyesha kuwa wimbi kubwa la wanafunzi wamekuwa wakikwepa kwenda skuli,huku wengine wakishindwa kushughulikia masomo yao wawapo skuli au hata majumbani .

Amewapongeza walimu katika skuli mbali mbali kwa kujitolea kwa kusomesha kwa moyo  mkunjufu licha ya kuwepo kwa changamoto nyingi zinazowakabili.

Waziri huyo amesema serikali inatambua changamoto zinazowakabili walimu hasa katika upande wa maslahi yao,na kuwataka kuendelea kuvuta subira kwa vile muda mfupi ujao wataanza kuona mabadiliko kwa upande wa maslahi yao.

Aidha amesema tatizo la uhaba wa walimu wa sayansi na wa kada nyengine kwa baadhi ya skuli serikali kupitia wizara hiyo wanaendelea kulipatia ufumbuzi .

Hata hivyo amewataka walimu kuendelea na bidii katika kuwapatia elimu wanafunzi  bila ya kuchoka huku serikali  nayo ikiwa katika hatua za mwisho kurekebisha maslahi ya walimu nchi kote.

Siku kama ya leo miaka 49 iliyopita rais wa kwanza wa Zanzibar Marehemu Mzee Abeid Amaan Karume alitangaza elimu bure visiwani hapa,ikiwa na lengo la kutoa fursa ya kupata elimu kwa wananchi wote bila ya kujali matabaka,rangi au ukabila pamoja la kutoa fursa kwa watoto wa wakwezi na wakulima kupata elimu ambapo kabla ya mapinduzi ya 64 walibaguliwa katika kupata elimu.