Ni kilio tena kwa timu za Pemba zinazoshiriki ligi kuu ya Zanzibar baada ya jana kuambulia tena patupu katika mechi mbili tofauti.
Katika uwanja wa Gombani Pemba Jamhuri walijikuta wakiondoka kiwanjani vichwa chini kwa mara nyengine baada ya kupokea kichapo cha bao 1-0 kutoka kwa Mtende ya Makunduchi Wilaya ya kusini Unguja.
Hadi dakika ya 45 za kipindi cha kwanza hakukuwa na timu iliyoweza kuuona mlango wa mwenzake.
Bao Pekee la Mtende lilifungwa katika dakika ya 85 ya mcheza kwa njia ya mkwaju wa penalti na Mchezaji Ali Salum baada mchezaji mmoja wa mtende kuangushwa ndani ya eneo la hatari.
Nahuko katika uwanja wa Mao timu ya Chipukizi ikalambwa kwa mabao 2-1 na maafande wa timu ya Polisi.
Hadi sasa jamhuri ina point 1 tu baada ya kucheza michezo mitano na kufungwa michezo yake minne na kutoka sare mmoja dhidi ya miembeni United,huku Chipukizi ikiwa na alama 6 baada ya kushinda michezo miwili katika michezo mitano iliyocheza.
Leo Jumatano tarehe 25 kutakuwa na michezo miwili ambapo katika uwanja wa Gombani Kizimbani itatupa karata yake kuwavaa Miembeni United(Wazee wa Kwala) na Fufuni na Wazee wa Funguni,Malindi kwenye dimba la Mao.
Hakuna maoni:
Chapisha Maoni