14,October,3013,
Yanga ya Dar es salaam leo imewasili kisiwani Pemba ikiwa na wachezaji wake wote 29 na viongozi nane kwa ajili ya kujiandaa na mchezo dhidi ya mahasimu wao wa jadi Simba Sports Club utakaochezwa tarehe 20 mwezi huu..
Timu hiyo imewasili katika Uwanja wa ndege wa Pemba Airport majira ya saa nne za asubuhi kwa ndege 3 tofauti za kukodi wakitokea jijini Dar er salaam.
Timu hiyo ambayo imefikia katika hoteli ya Samail iliyopo Chake Chake imefanya mazoezi katika uwanja wa Gombani kuanzia saa 6 hadi nane kasorobo za mchana.
Akizungumza na Pemba Habari kocha Msaidizi wa timu hiyo Fred Felex Minziro, amesema kilichowaleta Pemba ni kutokana na kuwepo kwa utulivu katika Uwanja wa Gombani Pemba.
"Unajua kama kawaida yetu tunapokaribia kucheza na mahasimu wetu Simba huwa tunaweka kambi hapa Pemba kwa tunakuwepo hadi Ijumaa au Jumamosi tukijiandaa na mchezo huo" Alisema Minziro.
Kwa upande wake Patrick Naggi ambaye anashughulika na mambo ya ufundi amemesema licha ya mazoezi hayo timu hiyo inatarajia kucheza mchezo wa kirafiki na Chipukizi siku ya Jumatano.
Hakuna maoni:
Chapisha Maoni