ZFA WILAYA YA CHAKE CHAKE YAPATA VIONGOZI WAPYA.

 Mwenyekiti wa kamati ya uchaguzi wa ZFA Wilaya ya Chake Chake Moh`d Shilingi akifafanua jambo kabla ya kutangaza matokeo ya uchaguzi wa ZFA Chake Chake hapo jana Jumapili.

 Baadhi ya wajumbe na waliokuwa wagombea wa nafasi mbali mbali katika uchaguzi wa ZFA Wilaya ya Chake Chake wakisubiri kupiga kura hapo jana Jumapili.

Na Is-haka Mohammed,Pemba.                                                                                      Wajumbe wa Mkutano  Mkuu wa Chama cha mpira wa miguu Zanzibar (ZFA) Wilaya ya Chake Chake kimemchagua Mwalim Amuni Ubwa kuwa Mwenyekiti mpya wa chama hicho atakayeongoza kwa miaka minne ijayo.

Amuni anayechukua nafasi ya Ali Bakari Ali ambaye hakugombea nafasi hiyo baada ya kuongoza kwa mihula miwili alimshinda mpinzani wake Issa Kassim kwa kura 44 aliyepata kura 28 huku kura moja ikiharibika katika kura zote 73.

Nafasi ya Makamu mwenyekiti ilichuliwa na Khatibu  ambaye alipata kura 62 ambapo nafasi hiyo hakukuwa na mpinzania aliyesimama kugombea nafasi hiyo.

Aidha wajumba hao wamemrejesha tena madarakani Suleiman Juma kuwa kuendelea kuwa katibu wa ZFA Wilaya ya Chake Chake Kwa mara nyengine kwa kumpa kura 59 dhidi ya 14 alizopata mpinzani wake Hafidh Massoud aliyekuwa katibu msaidizi katika kipindi kilichopita.

Kwa upande wa nafasi ya katibu msaidizi aliyechaguliwa ni Ali Amini kwa kura 37 na kumshinda aliyekuwa mjumbe wa kamati tendaji Nassor Bilal.

Assaa Khamis Mtwana aliyepata kura 44 na kumshinda Salim Mwadini  aliyapata kura 18 alichaguliwa kuwa mjumbe wa ZFA kamati tendaji anayewakilisha taifa.

Mwenyekiti wa kamati ya uchaguzi ya wilaya ya Chake Chake Hamad Mzee Shilingi amesema uchaguzi huo uliendeshwa katika misingi ya uwazi na ulikuwa wa mafanikio ambapo wajumbe wote na wagombea waliridhika na matokeo.

Akitoa salamu za wagombea wenzake walioshishiriki uchaguzi huo Salim Haji Mwadini amewapongeza viongozi waliochaguliwa katika uchaguzi huo na kusema wao wataendelea kushirikiana na viongozi hao ili kuweza kuendeleza mpira wa miguu wilayani humo.

                                 MWISHO.