MUFTI MKUU WA OMAN AFUNGUA MSIKITI WA MWITANI WILAYA YA WETE PEMBA.

Pemba.                                                               18/09/2013

Mufti Mkuu wa Oman Samahat Shekh Ahmed Bin Hamed Al-Khalil amesema tofauti za madhehemu zilizopo baina ya waislamu zinaweza kuepukwa ili kuendeleza mashirikiano  kwa maslahi ya Uislamu na Waislamu.

Amesema kuendeleza tofauti na kila dhehebu kujiona bora kuliko mwenzake kunatoa mwanya kwa maadui wa uislamu kuuhujumu na kuudhoofisha uislamu.

Mufti huyo Mkuu wa Oman ameyasema hayo leo huko Wete Pemba katika ghafla ya ufunguzi wa msikiti Mkubwa wa Ijumaa wa Mwitani wenye uwezo wa kuchukua waumini zaidi  ya 1500 kwa wakati mmoja.

Amesema umoja katika uislamu muhimu katika kutekeleza ibada mbali mbali ambalo ndiyo lengo kuu la kuumbwa mwanadamu

Aidha Shekh Khalil amewataka waumini wa dini ya kiislamu kuendelea kuisoma  Qur-an na kuendelea kuitumia katika kutatua tofauti zao kwa vile ni chombo pekee kinachoondoa fitna katika uislamu.

Akisoma risala ya waislamu katika msikiti huo Shekh  Abraman bin Hamed bin Haji msikiti huo licha ya kusaliwa pia kitakuwa ni kituo cha mafunzo ya dini ambapo una jumala ya madarasa nane ya kusomea ambapo mawili kati ya hayo ni madaraya ya Computa ili kuwa ni kituo bora cha kutoa elimu ya dini na dunia.

Hata hivyo amewataka waumini kuutumia vyema msikiti huo pamoja na kushirikiana na kamati katika kuwekea matunzo pamoja na usafi kwa vile suala hilo ni wajibu wa kila muislamu.

Mskiti wa Mwitani uliasisiwa takriban miaka 100 iliyopita na Marehemu Shekh Massoud Mwitani,ambapo kabla ulikuwa ukifanyiwa ukarabati kila mwaka ili kwendana na matakwa ya wakati kabla ukarabati huo mkubwa