TIMU ZA PEMBA ZAENDELEA KUVURUGA KATIKA MICHEZO YA LIGI KUU YA ZANZIBAR DHIDI YA TIMU ZA UNGUJA.

23/09/2013.

Timu za Pemba zimeendelea kufanya vibaya mbele ya timu za Unguja katika ligi kuu ya Zanziba inayondelea katika uwanja wa Gombani Pemba na Mao Tsetung mjini Unguja.

Katika michezo hiyo ambayo sasa imeanza kuchezwa katika hatua za nyumbani na ugenini Chipukizi ya Chake Chake akiwa mgeni wa Chuoni alikubali kipigo cha Magoli 3-0.

Timu ya Kizimbani United ya Wete Pemba ambayo ilipanda daraja msimu uliopita ilijikuta nayo ikibugizwa kwa jumla ya misumari 3-0 kutoka kwa wageni wao timu ya Mtende kutoka Wilaya ya Kusini Unguja Makunduchi katika mchezo uliochezwa kwenye uwanja wa Gombani..

Kama hiyo haitoshi timu ya Fufuni SC ambayo iliondoka Pemba ikiwa haijafungwa hata goli moja na kuwa na point 9 kibindoni walishindwa kufurukuta kwa maafande wa magereza timu ya Mafunzo kwa kunyukwa kwa bao 1-0 katika Uwanja wa Mao.

Hata hivyo wakongwe wa soka kisiwani Pemba ambao msimu huu wameonekana kusuasua jana waligawana alama moja moma na wageni wao wa Miembeni United kwa kufungana magoli 2-2.f

Kwa Upande wa Pemba leo kwa Premier ni Mapumziko lakini ligi daraja la kwanza Taifa kutakuwa na Mtanange wa aina yake pale Shaba ya Kojani wanaojulikana kwa umaarufu wa Wazee wa Dago watakapokuwa katika nyasi za uwanja wa Gombani na Mwenge ya Wete.