Msako wa MH370 waelekezwa kwingine

Ndege na meli zinazoitafuta ndege ya Malaysia iliyotoweka yenye nambari ya safari MH370 zimeelekezwa katika eneo jipya kusini mwa bahari ya Hindi.

Maafisa nchini Australia walisema kuwa meli ya China ilipata ishara zinazopatana na kisanduku cheusi wakati wa msako siku ya Jumamosi.

Ishara hizo za kielektroniki zilizosikika na watafutaji bado hazijathibitishwa kama zinatoka kwenye ndege hiyo iliyopotea. Ndege hiyo aina ya Boeing 777 ilipotea Machi 8 ikiwa na watu 239 ndani.