Elimu yaanza kuibalisha jamii juu ya matendo ya Udhalilishaji.

Na Is-haka Mohammed,Pemba.                                                                                                                                                                                                           Licha ya kuwepo kwa changamoto mbali mbali katika kuyaripoti matendo ya ubakaji kumekuwepo na mabadiliko katika katika jamii jambo linalotia moyo ya kuwa iko siku suala hili litatokomezwa katika hapa Zanzibar.

Akizungumza na Zenj FM mratibu wa Chama cha waandishi wa habari wanawke Tanzania(Tamwa-Zanzibar) Mzuri Issa amesema kumekuwepo na maendeleo kidogo kwa jamii katika mtazamo wa kesi za ubakaji.

Amesema hiyo ni kutokana na jamii kuanza kuwa na uelewa wa kuyaripoti matukio ya ubakaji katika vyombo vya sheria baada ya elimu inayondelea kutolewa kwao kupitia taasisi na wanaharakati mbali mbali ikiwemo TAMWA.

Aidha Mratibu huyo amesema pia kumekuwepo na mabadiliko katika vyombo vya sheria ikiwemo mahakama juu ya kuzichulia hatua kesi za ubakaji na baadhi ya kuanza kutolewa hukumu ingawa amesema baadhi ya huhumu zimekuwa hadhirizishi kutokana na kesi husika.

Hata hivyo ameitaka jamii kuendelea kushirikiana na wanaharakati katika kuona suala hilo ninatoweka kwa kuwafichua wale watu waovu wanaoendelea na matendao hayo katika jamii,na kuwataka wasiwaonee muhali kwa vile si watu wema wanastahiki huruma kwenye jamii.