BI FATMA FEREJ AKABIDHI VIFAA KWA WATU WENYE ULEMAVU KISIWANI PEMBA.

 Waziri wa Nchi Ofisi ya Makamu wa Kwanza wa Rais Fatma Abdulhabib Ferej akikabidhi visaidizi kwa watu wenye ulemavu kisiwani Pemba katika ghafla iliyofanyika katika uwanja wa Gombani.

Waziri wa Nchi Ofisi ya Makamu wa Kwanza wa Rais Bi Fatma Abdulhabib Ferej akiwa katika pich ya pamoja na baadhi ya watu wenye ulemavu baada ya kukabidhi visaidizi mbali mbali nje ya uwanja wa Gombani Pemba.

Na  Ussi Faki /PEMBA                                                                                                                                     Waziri wa Nchi Ofisi ya Makamo wa Kwanza wa Rais Fatma Abdulhabibi Fereji amewataka wasamaria wema, kuendelea kutowa misaada ya hali na mali kwa watu wenye ulemavu kwani na wao  ni sehemu ya jamii.

Hayo aliyaeleza  huko  uwanja wa Gombani Chake Chake Pemba  alipokuwa akikabidhi vifaa mbali mbali kwa baadhi ya watu  wenye ulemavu wa aina tofauti kutoka Wilaya nne za kisiwani  Pemba.

Alisema utowaji wa visaidizi hivo ni jukumu la kila mtu, kwani kufanya hivyo kunaweza   kuwasaidi watu hao hasa watoto hali ambayo itawarahisishia kupata elimu kwa urahisi kutokana na visaidizi hivyo.

Aliwataka wale ambao hawajapata visaidizi hivyo  wasikate tamaa kwani serekali inaendelea na juhudi ya kuwatafutia vifaa hivyo kwa njia tofauti kwa vile  bajeti ya serikali haiwezi kuwapatia watu wote kwa wakati mmoja.

 “Wale ambao hawakubahatika mwaka huu watapata mwakani kwani hivi sasa tumesha wafahamu watu wenye ulemavu wote na pahali walipo hivyo itakuwa rahisi kuwafikia na kuwapatia visaidizi” alisema Waziri Fatma.

 Hata hivyo aliitaka jamii kuacha tabia ya kuwaficha watoto wenye ulemavu kwani  kufanya hivyo ni kuwakosesha haki zao za msingi zikiwemo za kijamii,kielimu na nyenginezo  ambazo wana stahiki kuizipata katika maisha yao yakila siku.

“Wazazi ambao mmebahatika kupata watoto ambao wana ulemavu acheni tabia ya kuwaficha wenzetuhao kwani kufanya hivyo ni kwenda kinyume na maadili ya dini”alisema waziri huyo.

Kwaupande wake afisa mdhamini wa ofisi ya makamo wa kwanza wa Rais Pemba Fatma Muhamed Omar alisema utowaji wa visaidizi hivyo ulizingatia ushauri wa dakitar kwa kutaka kujuwa yupi anafaa kupewa kulingana na hali ya ulemavu alio nao.

Akitowa salamu za shukrani kwa kupata visaidizi hivyo kwa niaba ya watu wenye ulemavu wenzake Atie Sulemani Salum ameishukuru serekali ya Mapinduzi ya Zanzibar kwa kuwapa visaidizi hivyo na kuiomba kuendeleza kuwasaidia zaidi kwani misaada kwa watu hao ni kitendo cha kuendelea.

Katika hafla hiyo Waziri alikabidhi vifaa  kama vile magongo ya kutembelea peya 72,Fimbo nyeupe 36,Viti vya magurudumu mawili 16,Miwani pamoja na kofia kwa watu wenye ulemavu wa ngozi 36.

                                             MWISHO.