Maiti yaokotwa kisiwani Pemba.

Baadhi ya waandishi wa habari wakimsikiliza Kaimu Kamanda wa Polisi Mkoa wa Kusini Pemba Ali Hamad Said wakati alipokuwa akitoa taarifa ya kuokotwa kwa maiti huko katika kijiji Matale Pemba katika Makao ya jeshi la Polisi Mkoa wa Kusini Pemba. 

Na Is-haka Mohammed,Pemba.                                                                                                                                              Mtu mmoja mwanamme mwenye umri wa miaka 42 mkaazi wa Kinowe Konde amekutwa amefariki dunia katika msitu uliopo baina ya eneo la Matale na chambani mkoa wa kusini Pemba.

Kaimu kamanda wa polisi mkoa wa kusini Pemba ambaye ni Mkuu wa Upelelezi Mkoa huo Ali Hamad Said  amesema maiti hiyo ambayo ilikuwa imeshaharibika iliokotwa juzi tarehe 28/10/2014  majira ya saa kumi na nusu za jioni katikati yam situ huo.

Alimtaja marehemu kuwa ni Mjaka Mmanga Mjaka anayesadikiwa kuwa ni mgojwa wa akili ambapo inaelezwa kuwa alikuwa akielekea Chambani ambako kuna wake zake na alikuwa na kawaida ya kwenda mara kwa mara.

Kaimu Kamanda huyo amesema mwili wa marehemu ulilazimika kuzikwa katika eneo hilo hilo kutokana na kuwa mwili wake ulishaharibika sana na kutowezekana kuuhamishia katika eneo jengine kwa mazishi.

Amesema awali mwili huo ulikuwa haujatambulika kutokana kuharibika kwake,lakini kutokana na kusambaa kwa taarifa  uliweza kutambulika.

Wakati huo huo Jeshi la Polisi mkoa wa kusini Pemba linamshikilia mtu mmoja ambae jina lake linahifadhiwa kwa shughuli za kiupeleleziakisadikiwa  kumshambulia Suleiman humud Suleiman mkazi wa Chanjamjawiri Wilaya ya Chake Chake kwa Mapanga nakusababishiamaumivu makali.

Kaimu Kamanda huyo amesema tukio hilo lilitokea tarehe 21 mwezi huu ambapo lilisababisha Suleiman kulazimika kuhamishiwa katika Hospitali ya Taifa ya Muhimbili baada ya kushindikana kutibiwa katika hospitali za Chake Chake na Mkoani Pemba.

Hata hivyo ameeleza baada ya kufikishwa katika hospitali ya Muhimbili na kupatiwa matibabu hali yake iliimarika na kuweza kuwataja watu waliomshambulia na hatimaye mmoja kati ya hao ndiye anayeshikiliwa huku jeshi la polisi likiwasaka wengine kwa ajili ya kuwafikisha katika vyombo vya sheria.

Kwa upande mwengine Kamanda Said amewataka wananchi kutochukua sheria mikononi mwao kutokana na tukio hilo kuonekana na kulipiza kisasi kutokana na kutochukuliwa kwa mali yeyote licha ya kuwa na Baskeli,simu na pesa mfukoni mwake.

Amesisitiza kuwa jeshi la polisi linaendelea kufanya upelelezi ili kuwafichua wahalifu katika matukio mbali mbali ya kihalifu yanayoendelea kujitokeza katika maeneo tofauti ya kisiwani Pemba ikiwemo kijiji