ZFA WILAYA YA MKOANI YATANGAZA KAMATI YA UCHAGUZI,

NA FATMA HAJI,MKOANI.

Kamati Tendaji ya ZFA Wilaya ya Mkoani imeteua kamati  ya Uchaguzi ya Viongozi wa ZFA Wilayani humo unaotarajiwa kufanyika mwezi November mwaka huu.

Akizungumza na Dawati la Michezo na Burudani la Zenj FM Mweketiki wa ZFA Wilaya ya Mkoani Seif Mohammed Seif amesema kamati hiyo itaongozwa na Mwenyekiti Mohammed Bakari Juma na Katibu atakuwa ni Moh`d Ussi Shaame.

Aidha Mwenyekiti huyo amemtaja Moh`d Suleiman Abdalla ameteuliwa kuwa mshika fedha na wajumbe wa kamati hiyo ni Mati Ali Mati na Abdalla Issa Ali.

Kwa upande mwengine mwenyekiti huyo amewataka wanamichezo mbali mbali katika Wilaya hiyo kujitokeza kwa wingi kuwania nafasi za uongozi muda utakapowadia.

ZFA Wilaya ya MKOANI inakuwa ya kwanza kutangaza kamati ya uchaguzi unaotarajiwa kufanyika Mwezi ujao katika Wilaya zote 10 za Zanzibar kabla ya ule wa Taifa utakaofanyika mwezi Disemba mwaka huu.