Kwa akali magaidi 300 waangamizwa nchini Syria

Jumanne, 01 Oktoba 2013 08:53

Jeshi la Syria limefanya mashambulio makubwa dhidi ya ngome za makundi ya kigaidi katika maeneo mbalimbali nchini humo na kufanikiwa kuwaangamiza magaidi wasiopungua 300 na kuwajeruhi wengine 400. 

Taarifa zinasema kuwa, jeshi la Syria lilifanya operesheni hizo jana katika eneo la an Nasriyah na kuwaangamiza magaidi 182, na kuwajeruhi wengine wasiopungua 200. 

Televisheni ya Russia Today imetangaza kuwa, shambulio jingine lilifanywa na jeshi la Syria katika eneo la mashariki mwa Rif Dimashq na kupelekea kuuawa magaidi 140 na kujeruhiwa wengine 50. 

Majeshi ya Syria yamekuwa yakipata ushindi na mafanikio makubwa kwenye medani za vita katika miezi ya hivi karibuni dhidi ya makundi ya kigaidi yanayoungwa mkono na kusaidiwa kisilaha na kifedha na nchi za Magharibi na hasa Marekani, Uingereza, Ufaransa, na nchi za Kiarabu na kieneo kama vile Saudi Arabia Qatar, Uturuki na utawala wa Kizayuni wa Israel.