Jumuiya ya Zanzibar Madrasa Resource Centre yafanya Unyaguzi ya magonjwa na lishe kwa watoto Mtambile.

Na Is-haka Mohammed,Pemba.                                                                                        Wananchi kisiwani Pemba wametakiwa kuendelea kuchukua tahadhari ya kujikinga na Maambukizi ya homa ya Dengue ambayo tayari baadhi ya kesi za kupatikana wagonjwa wa homa ya dengue faver zimesharipotiwa kisiwani Unguja.

Akizungumza katika siku ya afya ya mtoto wa Madrasa huko katika Mtambile, Afisa Lishe Wilaya ya Mkoani Dk Mwajine Khamis Mjaka amesema kuwa licha ya kutokuwepo na mtu aliyepata kutambulika na homa ya Dengue wananchi wanapaswa kujiepesha na hatari ya kuambukizwa homa hiyo inayoenezwa na mbu.

Amesema kutokana na mbu ndiyo wanaosambaza homa na kuwepo mazingira hatarishi katika maeneo wanayoishi jamii,upo uwezekano wa kuwepo kwa maambukizi hayo endapo tahadhari za kujikinga hazitachukuliwa na mapema.

Dk Mwajine amewataka wananchi kisiwani Pemba kuchukuwa hatua za kujikinga kwa kufukia madimbwi ili mbu wasizaliane, kutia wavua katika majumba,kutumia vyandarau hata kwa wale wanaolala mchana.

Aidha amesema kuwa hatua nyengine za kujikinga ni kuvaa nguo refu na dalili zake ni mwili kuwa mchovu katika viungo,pia kutoka damu katika sehemu za wazi kama vile puani na masikio,hivyo kuwataka wananchi wanapoona dalili hizo kukimbilia hospitali kupata kinga.

Akizungumza na Zenj FM juu ya siku ya Afya ya Mtoto wa Madrasa Mratibu wa Zanzibar Madrasa Resouce Centre Mwalim Hassan Abdi Bakar amesema Jumuiya hiyo hutayarisha siku hiyo kwa ajili ya kuwapatiwa watoto wa madrasa huduma za Uchunguzi wa afya zao sambamba na watoto waliopo majumbani.

Amesema Jumuiya hiyo kwa kushirikiana na wafazili wao wakiwemo Aga khan na Jonson and Jonson wamekuwa wakitoa huduma mbali mbali kwa watoto ikiwa ni pamoja na huduma za uchunguzi wa afya.

Hata hivyo ameiomba jamii kuiunga mkono Jumuiya ya Zanzibar Madrasa Resource Centre kwa kujitokeza kila wanapohitaji kuwapeleka watoto,sambamba na kufungua madrasa katika sehemu ambazo hazina madrasa huku akisema Jumuiya ipo tayari kushirikiana nao.

Madaktari wa magonjwa mbali mbali kutoka wilaya ya Mkoani walishirikiana na jumuiya hiyo kufanya uchunguzi wa macho,meno,masikio,masikio na koo pamoja na magonjwa mengine ikiwemo kupima virusi vya ukimwi kwa watoto na watu wazima.