NAIBU WAZIRI WA FEDHA WA TANZANIA ATEMBELEA MRADI WA UJENZI WA BARABARA TANO,KASKAZINI PEMBA.

NaIs-haka             Mohmmed,Pemba.                                                                                                     Naibu Waziri wa Fedha wa Jamhuri wa Muungano wa Tanzania Sada Mkuya Salum amesema kukamilika kwa ujenzi wa barabara tano katika mkoa wa Kaskazini Pemba kutanyua uchumi wa wananchi wa maeneo husika.

Akizungumza mara baada ya kutembelea barabara hizo zinazojengwa na  kwa msaada wa Serikali ya Marekani kupitia serikali ya Jamhuri ya Muungano wa Tanzania, amewataka wananchi hao kuzitumia barabara hizo katika kujikwamua na umaskini.

Amesema kutokana na ujenzi wa barabara hizo tayari mabadiliko yameshaanza kuonekana kwa wananchi wa maeneo husika ikiwemo kusafirisha mazao yao kwa njia ya urahisi.

Kwa upande wake Mbunge wa jimbo la Ole Rajabu Mbarouk Mohammed  ameipongeza serikali ya Jamhuri ya Muungano wa Tanzania kwa kuzijenga barabara hizo katika kiwango chenye ubora wa hali ya juu.

Amesema barabara hizo zitasaidia kupunguza changamoto mbali mbali zilizokuwa zikiwakabili wananchi wanaoishi katika maeneo hayo,kwa kuwapa urahisi katika usafiri hasa wagonjwa.

Akizunguzia hatua iliyofikiwa katika ujenzi wa barabara hizo, Mhandishi wa mradi kutoka serikali ya Zanzibar Joseph Malambi amesema ni nzuri na ujenzi utakamilika katika wakali uliopangwa wa mwezi Disemba.

Barabara hizo ni Mzambarau Takao-Pandani, Bahanasa-Daya Mtambwe, Mzambarau Karim-Wingwi Mapofu, Chale- Kojani na Amani road- Kangagani zote zikiwa na urefu wa kilomita 35.