WANANCHI WA SHEHIA ZA MBUGUANI NA CHANGAWENI ANA KWA NA MKURUGENZI WA ZAWA.

Wananchi wa shehia za Mbuguani na Changaweni Wilaya ya Mkaoni wamefika katika ofisi za Mamlaka ya Maji zilizopo Machomanne wakilalamika kubadilishwa machine ya maji katika kisima wanachotegemea kupata maji na badala yake kuikosa huduma hiyo kwa muda sasa.

Wakizungumza kabla ya kufika katika ofisi hizo na kuonana na wahusika kupeleka kilio chao,baadhi ya wananchi hao wamesema kuwa kilichowapeka ofisini hapo ni kutaka kujua sababu iliyopelekea kukosa maji licha ya kuwekewa mashine mpya na mbunge aliyepita.

Said Juma ni mmoja kati ya wananchi hao ambaye amesema wamepatwa na wasiwasi kuwa mamlaka hiyo ilibadilisha mashine hiyo na ndiy ikawa sabanu ya kukosa maji.

Hata hivyo kwa upande wake Juma Khamis Issa Mkaazi wa Changaweni Mkoani amesema inatia shaka kwa Mamlaka ya maji ambaye imeboreshwa kutujua taarifa za matatizo ya maeneo yao wanayotoa maji.

Amesema kunaoneka katika mamlaka hiyo hakuna mawasiliano mazuri katika utendaji kwani wao kabla ya jana kufika katika ofisi kuu za ZAWA Pemba tayari walikuwa wameshatoa taarifa za tatizo hilo kwa afisa wa ZAWA Wilaya ya Mkoani.

Mwananchi huyo ameeleza ili mamlaka ya maji iendane na maboresho iliyokusudia ni vizuri kuwa wafuatiliaji wazuri katika kujua matatizo yanayowakabili wateja wao.

Hata hivyo walipotoka katika kikaona Mkurugunze wa ZAWA Pemba wananchi hao wamesema wamezungumza vizuri na wamekubaliana kuwa tatizo hilo litapatiwa ufumbuzi haraka.

Kwa upande wake Mkurugenzi wa Mamlaka ya Maji Pemba Omar Bakar Mshindo licha ya kukiri kuwepo kwa tatizo hilo lakini amedai kutokuwa na taarifa ya wananchi kukosa maji kwa muda mrefu.

Amewaeleza wananchi hao kuwa mashine iliyowekwa na mbunge bado ipo isipokuwa mota ndiyo iliyoungua na kuamua kuibadilisha na kusema kuwa kukosa huduma ya maji wa wananchi hao haitokani na tatizo la mashine wala mota.

Hata hivyo amesema leo au kesho atawapeleka mafundi ili kwenda kuona ni tatizo gani linalosababisha kukosekana kwa maji katika kisima hicho, lakini pia akieleza kuhusu kisima hicho ni cha zamani na ni kidogo sana jambo linalopelekea uzalishaji wa maji kuwa mdogo.

Aidha amesema hatua madhubuti zinachukuliwa za kuondosha tatizo la maji safi na salama kwa wananchi ikiwa ni pamoja na mradi wa maji mijini katika miji mitatu ya Pemba.

Ni zaidi ya miezi miwili sasa wananchi wa Shehia hizo wamekosa huduma ya maji ya bomba na kulazimika kufuata maji katika visima pamoja na mito hata hivyo wamesema hayako salama.